कराते-१ प्रिमियर लिगमा ऐतिहासिक पदक जितेकी एरिका गुरुङ स्वदेश फिर्ता

काठमाडौं । मोरक्कोमा भएको वर्ल्ड कराते फेडेरेसन कराते-१ प्रिमियर लिगमा ऐतिहासिक पदक जितेकी एरिका गुरुङ स्वदेश फर्किएकी छन् ।

उनलाई त्रिभुवन अन्तर्राष्ट्रिय विमानस्थलमा राष्ट्रिय खेलकुद परिषद्का पदाधिकारीहरुले स्वागत गरे ।

महिला ६८ केजी तौल समूहमा भएको प्रतिस्पर्धामा फ्रान्सकी पिए क्लेमेन्सलाई हराउँदै एरिकाले नेपाललाई ऐतिहासिक कास्य पदक दिलाएकी थिइन् ।

विश्वका उत्कृष्ट ३२ खेलाडीहरूको प्रतिस्पर्धामा नेपालकी एरिका तेस्रो भएकी हुन् ।