सन ह्युङ-मिन : जसले प्राप्त गरे एउटा ‘दुर्लभ’ उपलब्धि

युरोप । युरोपमा फुटबल खेल्नु हरेक फुटबलरको एउटा ठूलो सपना हुने गर्दछ । विश्व फुटबलको व्यवसायिक फुटबललाई हेर्ने हो भने युरोपमा हुने लिगहरु सबैभन्दा लोकप्रिय छन् ।

युरोपमा हुने इङ्लिस प्रिमियर लिग (इपिएल), स्पेनिस ला–लिगा, बुन्डेस लिगा, सिरि’एझ, लिग वान क्रमश सर्वाधिक चर्चित लिग हुन् । यी लिगमा रहेका कुनैपनि क्लबबाट फुटबल खेलेर ट्रफी जित्नु हरेक फुटबलरको सबैभन्दा ठूलो सपना हो ।

त्यसमा पनि एसियाको एउटा फुटबलरले संसारको सबैभन्दा लोकप्रिय इपिएलको खेलाडी बन्न पाउनु , त्यसमाथि पनि क्लबको ‘क्याप्टेन’ बनेर युरोपको प्रतिष्ठित लिगको उपाधी जित्नु दुर्लभ अवसरको रुपमा मानिन्छ ।

हो त्यस्तै एउटा दुर्लभ उपाधी उचाल्दै दक्षिण कोरिएन स्टार सन हियुङ मिनले युरोपको क्लब फुटबलको प्रतिष्ठित उपाधी जित्ने पहिलो एसियाली कप्तानको कीर्तिमान बनाए ।

बुन्डेस लिगाको वायर लिभरकुसेनबाट सन् २०१५ मा प्रिमियर लिगको टोटनह्याप हट्सपरमा आवद्द भएका सनले कप्तानको रुपमा बुधबार युरोपको चर्चित लिग मध्यको युरोपा लिगको उपाधी जित्दै इतिहास रचे ।

टोटनह्याम्पम्लाई सन् १९८४–०८५ पछि युरोपा लिग जित्न ४० वर्ष लाग्यो । अर्थात उस्को घरमा ४० वर्षपछि युरोपा लिगको ट्रफी फर्कियो त्यो पनि एउटा एसियायी स्टारको नेतृत्वमा ।

आजभन्दा १७ वर्ष पहिले टोटनह्याम्पले २००७–०८ को सिजनमा लिग कपको उपाधी जितेको थियो । क्लबमा आवद्द भएको १० वर्षसम्म सनको लागि उपाधी अभियान सधै निरासाजनक बन्यो । तर बुधबारको साझ ती सबै खराब रेकर्डलाई बिट मार्दै म्यान्चेस्टर युनाइटेडलाई १–० ले हराउँदै उपाधी उचाल्दा सनको आँखा आसुले भरिएको थियो ।

साथिहरुले सन्नीझ नामले बोलाउदै सनलाई उचालेर खुसी साटेका थिए । सनले पनि ट्रफी उचाल्दै गज्जबको सेलिब्रेसन गरे । म संसारको सबैभन्दा खुसी मान्छे हुँ!“ सन ह्युङ–मिन भन्छन् युरोपा लिग जित्नु ‘सपना साकार हुनु’ जस्तै हो ।

उनले यो सबै उपाधीको भोका खेलाडीहरु, टिम व्यवस्थापन र सपोर्टरहरुको हौसलाको कारण संभव भएको बताए । उनले थपे यो जितले मलाई ‘किंवदन्ती’ र ‘विश्वको सबैभन्दा खुसी मानिस’ जस्तो महसुस गराएको छ ।

१७ वर्षमा स्पर्सलाई पहिलो पटक ट्रफी दिलाएपछि दक्षिण कोरियालीहरूले टोटेनह्यामका कप्तान सन ह्युङ–मिनलको तस्बिर अङ्कित टिसर्ट लगाएर आफ्नै देशमा समेत खुसियाली मनाईएको तस्बिरहरु अन्तरास्ट्रिय खेल म्यागजिनले प्रकाशन गरेका छ्न । उनीहरुले सनलाई एसियाको हिरोको रुपमा व्याख्या समेत गरेका छन् ।