रास्वपाको आशंका- न्यायालयले न्याय देला कि भन्ने विश्वास गर्ने ठाउँहरू कमजोर हुँदैछ (भिडिओ)

काठमाडौं । रास्वपाका सांसद मनिष झाले पछिल्लो समय न्यायालयप्रति विश्वास कमजोर हुँदै गइरहेको बताएका छन्।

प्रतिनिधिसभाको बैठकमा बोल्दै न्यायालयले न्याय देला कि भन्ने विश्वास गर्ने ठाउँहरू कम हुँदै गएको आशंका व्यक्त गरे।

रास्वपाका प्रवक्ता समेत रहेको उनले अगाडि भने, ‘पूर्वप्रधानन्यायाधीश सुशीला कार्कीले केही महिनाअगाडि भन्नुभएको थियो, नेपाली कांग्रेसको वर्तमान गृहमन्त्रीले न्यायाधीश सिफारिसमा मेरो पार्टीको यो यो व्यक्ति परेनन् भने मलाई गाह्रो हुन्छ, भन्न जानुभएको थियो। न्यायालयले राजनीतिक संरक्षण गरेकै कारणले न्यायालयप्रतिको विश्वास कमजोर हुँदै गएको छ।’

उनले पार्टी सभापति रवि लामिछाने गृहमन्त्री हुँदा चोरी तस्करी नियन्त्रण लिनको लागि ठूलो सफलता मिलेको भए पनि अहिलेको सरकारको ध्यान त्यता नगएको दाबी गरे।