काठमाडौं । मीनभवनस्थित निजामती कर्मचारी अस्पताल (सिभिल) अस्पतालले सन्ध्याकालीन सेवा सञ्चालन गर्ने भएको छ ।
अस्पताल प्रशासनले एक सूचना निकाल्दै यही जेठ ४ (आइतबार) देखि निजामती कर्मचारी लक्षित सन्ध्याकालीन सेवा बेलुका ४ देखि ८ बजेसम्म सहुलीयतपूर्ण सेवा सञ्चालन गर्न लागिएको जानकारी गराएको छ ।
निजामती कर्मचारीबाट छिटो छरितो ढंगले उपचार नपाएको गुनासो बढेपछि अस्पताल विकास समितिको बोर्ड बैठकबाट सन्ध्याकालीन सेवा सञ्चालनको निर्णय गरिएको हो ।
निजामती कर्मचारीको सहुलीयत उपचार सेवाका लागि संघीय सरकारले सञ्चालनमा ल्याएको यो अस्पतालमा सर्वसाधारणलाई पनि खुल्ला गरेपश्चात चाप झन् बढेको छ ।
Leave a Reply