काठमाडौं । नेकपा एकीकृत समाजवादीका सम्मानित नेता झलनाथ खनालले समाजवादी मोर्चाको कार्यक्रमप्रति असन्तुष्टि जनाएका छन् ।
निर्मल लामा स्मृति प्रतिष्ठानले विहीबार काठमाडौंमा आयोजना गरेको संघीय लोकतान्त्रिक गणतन्त्र र त्यसका चूनौती विषयक विचार गोष्ठीमा खनालले कोठा-कोठामा कार्यक्रम गरेर समाजवादी मोर्चाको औचित्य पुष्टि हुन नसक्ने भन्दै समाजवादी कार्यक्रम गर्नुपर्ने तर्क गरे ।
समाजवादी मोर्चाको क्रियाकलाप आफूलाई चित्त नबुझेको उनको भनाइ छ । कतिपयलाई बामपन्थीलाई समाजवादी नामको मोर्चा मन नपरेको भन्दै बाम मोर्चा बनाए अझै धेरै दल समावेश हुनसक्ने खनालको धारणा छ ।
समाजवादी यात्रालाई अघि बढाउन सडकमार्फत जनतालाई एकीकृत गर्नुपर्ने उल्लेख गर्दैै खनालले संसदीय संघर्षमात्रै भए संसदवादमा टुुंगिने भन्दै उनले कम्युनिष्ट पार्टीलाई क्रान्तिकारी कार्यदिशाका आधारमा पुनर्गठन गर्नुपर्ने बताए ।
खनालले बामपन्थी एकता नभए ८४ को निर्वाचनमा बामपन्थी दलहरू थप कमजोर हुने देखिएको बताएका छन् । राजावादीहरूले संविधानलाई कुल्चिएर हिँडिरहेको अवस्थामा क्रान्तिकारी पार्टीहरूले संसद र गणतन्त्रलाई उपयोग गर्छु भन्न सक्नुपर्ने बताए ।
Leave a Reply