काठमाडौं । नेकपा माओवादी केन्द्रका सचिव देवेन्द्र पौडेलले आफ्नो पार्टीको सरकारमा जाने कुनै इच्छा नभएको बताएका छन्। प्रतिनिधि सभाको बैठकपछि सञ्चारकर्मीहरुसँग कुरा गर्दै अहिलेको सरकारलाई अपरिपक्व भएको टिप्पणी गरे।
उनले भने, ‘सरकारको अलोप्रियता, अपादर्शिता र गैरजिम्मेवारपना प्रष्ट प्रकट भएको छ। कसैलाई जालमा पार्ने कसैलाई फकाउने कुरा होइन। सरकार परिपक्व भएर जनताको उठेको समस्या सम्बोधन गरेर डेलिभरीको कामतिर केन्द्रित होस् भन्ने हाम्रो कुरा हो। अहिले सरकारमा जाने कुरा छैन, सरकारमा जानको लागि हामीले तँछाडमछाड पनि गरेका छैनौँ। नीति तथा कार्यक्रम आयो, एक स्वरले उहाँहरूले समर्थन गर्न सक्नुहुन्न। प्राधिरकरण, गभर्नर नियुक्तिको कुरामा पनि एकस्वरले बोल्न सक्नुभएको छैन।’
उनले विद्युत् प्राधिकरणको नाफा घाटाबारे सरकारले जवाफ दिनुपर्ने भन्दै छानविन गर्न माग गरे। उनले अहिलेको सरकार जनताको नभइ आफ्नो मान्छेहरूलाई सेट गर्नको लागि मात्रै बनेको प्रष्ट भइसकेको बताए।
Leave a Reply