‘बा’ कवितामार्फत एमाले र राप्रपाका सांसदको दोहोरी

काठमाडौं । राप्रपा संसदीय दलका प्रमुख सचेतक तथा जुम्लाबाट निर्वाचित सांसद ज्ञानबहादुर शाही अर्थात ज्ञानेन्द्र शाहीले एक दिनअघि आफ्नो फेसबुक वालमा कवितामार्फत प्रधानमन्त्री केपी शर्मा ओलीको उछितो काढे ।

सांसद शाहीले कमरेडहरूका बा भन्दै प्रधानमन्त्री ओलीको पालमा देश बर्बाद भएको र साइबर स्याल,अरिङ्गाल र टोले गुण्डाहरु संरक्षित भएको भन्दै कवितामार्फत कटाक्ष गरेका थिए ।

त्यसको जवाफमा एमालेका सांसद ईश्वरबहादुर रिजालले पनि बा कवितामार्फत नै सांसद शाही र राजसंस्था पक्षधहरुको कटाक्ष गरेका छन् । उनले प्रधानमन्त्री अर्थात बा को प्रतिरक्षा गर्दै विम्वात्मक शैलीमा जवाफ दिएका छन् ।

रिजाल उत्पीडित दलित जातीय समुदायका नेता तथा एमालेबाट समानुपातिक सांसद हुन् । दोलखाबाट प्रतिनिधित्व गर्ने रिजाल कुशल प्रशिक्षक हुन् भने जुम्लाका शाही कुशल वक्ता हुन् ।

दुवै सांसदको कविता पढौं ।
पहिलो ज्ञानेन्द्र शाहीले यस्तो कविता लेखे,
प्रिय कमरेडहरुका ‘बा’ तपाईं ३ पटक प्रधानमन्त्री हुँदा ।।।
युवाहरूले बेरोजगारीको ट्याग पाए।
राष्ट्रले विदेशी ऋणको भार पायो।
भ्रष्टाचारीले आश्रय पाए।
बलात्कारीले संरक्षण पाए ।
टोले गुन्डाहरूले ठेक्का पाए।
अरिङगालहरुले भत्ता पाए ।
साईबर सेनाले जागिर पाए ।
पापीहरूले न्याय पाए ।
तर हामी जनताले सिर्फ,
उखान टुक्का पायौं।
त्यसैले भन्छु कमरेडका बा तपाईं कमेडी च्याम्पियनमा जानुहोस् र कलाकार बन्नुहोस्
कमसेकम जनता हँसाउनुहोस् र जगतलाई खुसी बनाउनुहोस् ।

त्यसको जवाफमा ईश्वरबहादुर रिजालको यस्तो कविता आयो..