‘व्यक्तिलाई विष्णुको अवतार भनेर पूजा गर्ने व्यवस्था फेरि स्वीकार्य हुँदैन, आवश्यक परे रगत बगाउन तयार रहनू’ (भिडिओ)

काठमाडौं । नेकपा एकीकृत समाजवादीका वरिष्ठ उपाध्यक्ष राजेन्द्र पाण्डेले नेपालमा फेरि राजतन्त्र फर्किने सम्भावना नभएको दाबी गरेका छन् । पार्टी निकट आदिवासी जनजाति महासङ्घको दोस्रो अधिवेशनलाई शनिबार सम्बोधन गर्दै उनले राजावादीहरुलाई अपराधीको संज्ञा दिए ।

उनले चैत १५ गते काठमाडौंमा राजावादीहरुले गरेको प्रदर्शनको नाममा आपराधिक क्रियाकलाप देखाएको सुनाए ।

नेता पाण्डेले भने, घअहिलेको व्यवस्थामा जनता सबैभन्दा बलियो शक्ति हो । जनतासँग सबैभन्दा ठूलो अधिकार हुन्छ, तर राजतन्त्र हुँदा सबै राजासँगै अधिकार निहित हुन्थ्यो । उसको मुखबाट बोलेको कुरा कानून हुन्थ्यो । त्यस्तो व्यवस्थामा फर्काउने कुरामा हामी सहमत हुन सक्छौं र ? फेरि त्यही राजा, जसलाई गोडा ढोगेर सम्मान गर्नुपर्ने, विष्णुको अवतार भनेर पूजा गर्नुपर्ने व्यवस्था फेरि ल्याउन सक्दैनौं ।’

राजसंस्था फर्किए संविधानमा भएको समावेशी र समानुपातिक व्यवस्था नै खारेज हुने उनले बताए ।

उनले व्यवस्थाको रक्षाको लागि बलिदान दिन र रगत बगाउनसमेत तयार भएर बस्न निर्देशन दिए ।