कैलाली । चलचित्र लेखक तथा निर्देशक विवेक पाण्डेले ६ लगाएर नयाँ चलचित्रको स्क्रिप्ट तयार पारेका छन् ।
सन् २०१८ मा नयाँ र फरक विषयवस्तुमा फिल्मको स्क्रिप्ट लेख्न थालेका पाण्डेले आफ्नो स्क्रिप्ट सकिन ६ वर्ष लागेको बताएका हुन् । उनले हालसम्म ४४ वटा ड्राफ्ट परिवर्तन गरी अन्तिम स्क्रिप्ट तयार गरिएको जानकारी दिए ।
‘२०१८ मा निकै फरक विषयवस्तुमा फिल्मको स्क्रिप्ट लेख्न सुरु गरेको थिए । विषयवस्तु अनुसारको कथा पटकथा सबै मिलाउँदा ६ वर्ष लाग्यो ’ उनले भने ‘यो चलचित्र नेपालमा भिन्न बन्ने छ ।’
विवेक पाण्डेले फिल्म निर्देशनमा स्नातक अध्ययन सम्पन्न गरेका छन्। उनको आफ्नै निर्देशनमा बन्ने नयाँ फिल्म मध्यम बजेटको हुनेछ।
फिल्मको कलाकार छनोट आगामी असारको पहिलो साताबाट सुरु हुने जानकारी निर्माण टिमले दिएको छ।फिल्म लाई रुपेश थापा ले छायाङ्कन गर्ने छन् ।
यो फिल्म लेखक पाण्डेसँगै किशोर भट्टले समेत सह–लेखन गरेका छन्। किशोर भट्टा सह–निर्देशक तथा कास्टिङ निर्देशकको भूमिकामा पनि रहनेछन्।
फिल्मको पहिलो टाइटल घोषणा चाँडै गरिने तयारी गरिएको छ। निर्देशक विवेक पाण्डेका अनुसार फिल्मको ९० प्रतिशत कलाकार नयाँ अनुहार हुनेछन्।
उत्साहजनक तयारीसहित अघि बढिरहेको यो परियोजना नेपाली फिल्म क्षेत्रको नयाँ ढोका खोल्ने अपेक्षा गरिएको छ।
जानकी देवी प्रोडक्सनबाट निर्माण हुने फिल्मको सुटिङ भाद्र १५ गतेबाट सुरु गरिनेछ। यस अघि ‘अमेरिका ब्वाइज ’ र ‘लप्पन छप्पन २’ मा फिल्म लेखकको रूपमा काम गरेका छन् भने मुख्य सहायक –निर्देशक भएर पनि चलचित्रमा काम गरेका छन्।
अब उनको निर्देशन मा बन्ने फिल्मको शीर्षक र पोस्टर छिट्टै सार्वजनिक गरिनेछ। जसको तयारी मा निर्माण टिम जुटेको छ ।
Leave a Reply