गायक सुरेन गौतमको ‘परिबन्ध’ गीत सार्वजनिक

काठमाडौं । गायक सुरेन गौतमको ‘परिबन्ध’ बोलको गीत सार्वजनिक भएको छ । सार्वजनिक गीतमा गौतमको स्वरसँगै शब्द र कल्याण सिंहको सङ्गीत रहेको छ । गीत गौतमकै अफिसियल यूट्युब च्यानल ‘सुरेन म्युजिक’बाट सार्वजनिक गरिएको हो ।

गीतको भिडियोमा सकु शाह र लोमस शर्माको अभिनय छ । म्युजिक भिडियोको निर्देशन पिटर गुरुङले गरेका छन् ।

गीतको भिडियो राज पोखरेलले छायांकन गरेका हुन् भने सम्पादन विष्णुहरि तिमल्सिनाको रहेको छ । दिनेश श्रेष्ठको एरेन्ज, मिक्सिङ तथा मास्टरिङ रहेको गीत ‘डि स्टुडियो’मा रेकर्ड गरिएको हो ।