हेटौँडा । दोस्रो लेगमा जर्मन क्लब बोरुसिया डर्टमण्डसँग पराजितको बाबजुद पनि स्पेनिस क्लब बार्सिलोना च्याम्पियन्स लिगको सेमिफाइनल प्रवेश गरेको छ ।
पछिल्लो छ वर्षमा सेमिफाइनल पुगेको बार्साले समग्रमा ५-३ को जित निकाल्दै सेमिफाइनल स्थान पक्का गरेको हो ।
पहिलो लेगमा ४-० को जित निकालेको बार्सिलोनाले दोस्रो लेगमा भने ३-१ को हार बेहोरेको थियो । तर समग्रमा ५-३ को नतिजा सहित बार्सिलोना सफल भएको हो ।
गएराति भएको खेलमा गुइरासीले ह्याट्रिक गरेपछि बार्सिलोना दबाबमा आएको थियो ।
पहिले लेगमा ४-० को जित सहित मैदानमा ओर्लिएको बार्सा गुइरासीको आक्रमणले समस्या परेको थियो । तर डर्टमण्डले बार्सिलोनालाई एउटा आत्मघाती गोल उपहार दिएपछि बार्सा समग्रमा ५-३ को नतिजा सहित सेमिफाइनलमा प्रवेश गरेको हो ।
अर्को क्वाटरफाइनलको दोस्रो लेगमा एस्टन भिल्लासँग ३-२ ले पराजित भए पनि पिएसजी ५-४ को अग्रतासहित सेमिफाइनल पुगेको छ।
Leave a Reply