कैलाली । कैलालीमा एक नाबालिगमाथि विद्यालयमै जबरजस्ती करणी भएको छ । टीकापुर नगरपालिका-४ मा रहेको राम जानकी इंग्लिस बोर्डिङ स्कुलमा यूकेजीमा अध्यनरत ७ वर्षीया ती नाबालिकामाथि बलात्कार भएको इलाका प्रहरी कार्यालय टीकापुरका डीएसपी नवीनराजा बुढाथोकीले बताए ।
बलात्कारमा संलग्न आरोपमा सोही विद्यालयमा ९ कक्षामा अध्ययनरत १४ वर्षीय किशोर पक्राउ परेको बुढाथोकीले बताए ।
पीडितकी आमाले दिएको किटानी जाहेरीका आधारमा किशोरलाई ११ चैतमा पक्राउ गरिएको हो । घटना भने ६ चैतको भएको प्रहरीले जनाएको छ । बालिकाको गुप्ताङ्गबाट रगत बगेर उपचारका लागि अस्पताल लगेपछि जबरजस्ती करणीको रहस्य खुलेको थियो ।
मेडिकल रिर्पोट र बालिकाको बयानका आधारमा उनकी आमाले इलाका प्रहरी कार्यालयमा किटानी जाहेरी दिएकी थिइन् प्रहरीले पीडितको जाहेरीका आधारमा आरोपित किशोरलाई पक्राउ गरी थप अनुसन्धान गरिरहेको जनाएको छ ।
Leave a Reply