सौगात र बेनिशा अभिनीत चलचित्र ‘कल्ली’ कार्तिक २१ मा रिलिज हुने

काठमाडौं। जुम्लामा छायाङ्कन भइरहेको चलचित्र ‘कल्ली’को प्रदर्शन मिति तय भएको छ । निर्माणपक्षले आउँदो वर्षको कात्तिक २१ गते यो चलचित्र रिलिज गर्ने घोषणा गरेको हो । तिहारको दुई सातापछि यो चलचित्र रिलिजमा आउन लागेको हो ।

काफिया फिल्मस् र कुबेर फिल्मस्ले यो चलचित्रलाई काठमाडौं र मोफसलमा वितरण गर्नेछन् । हिमाल कडेरिया र अमला देवी राई निर्माता रहेको चलचित्रमा लक्ष्मण सुनारको कथा तथा निर्देशन छ । महेश दवाडीको लेखन रहेको चलचित्रका कार्यकारी निर्माता सरोज नेपाली हुन् ।

लेकाली इन्टरटेन्मेन्ट र कस्तुरी प्रोडक्सनको प्रस्तुतिमा बनेको यो चलचित्रमा उत्तम प्रधान, सौगात मल्ल, अर्पण थापा, बेनिशा हमाल, नाजिर हुसेन, वर्षा राउत, विनोद न्यौपाने, रेयर राई, प्रियना आचार्य, गीता अधिकारी, कुलदीप अधिकारी, बेगम नेपाली लगायतका कलाकारहरूको अभिनय छ । चलचित्रमा निसाल पौडेलको छायाङ्कन रहनेछ।