चलचित्र ‘कार्की साइँला’मा जितु नेपाल अनुबन्धित

काठमाडौं । चलचित्र ‘कार्की साइँला’मा जितु नेपाल अनुबन्धित भएका छन् । कर्णबहादुर फिल्मस् प्रालिको व्यानरमा निर्माण हुने चलचित्रमा राजेन्द्र बस्नेतको निर्देशन रहनेछ । चलचित्रका प्रस्तुतकर्ता कृष्ण भगत चाम्लिङ हुन् ।

बालकुमार राई र श्याम मगर निर्माता रहेको चलचित्रले ग्रामीण जीवनको कथा भन्नेछ । भुईं मान्छेको कथालाई चलचित्रमा प्रस्तुत गरिने निर्देशक बस्नेतको भनाइ छ ।

चलचित्रमा डम्बरबहादुर राईको छायांकन र कथा, अजित लामिछानेको पटकथा तथा संवाद र जीवननाथ गौतमको गीत समावेश छ । धनकुटामा छायांकन हुने चलचित्रका लागि अन्य कलाकारहरूको छनोट प्रक्रिया पनि अगाडि बढाइएको छ ।