बलिउड नायिका बनाउने प्रलोभनमा युवतीलाई बलात्कार आराेपमा भारतका व्यापारीविरुद्ध मुद्दा

काठमाडौं । भारतका चर्चित व्यपारी तथा अमेरिकामा मुख्यालय डोमिनो पिज्जा चेन व्यवसायका भारतीय प्रमुख श्याम एस भार्तिआविरुद्ध बलात्कार जाहेरी परेको छ ।

बलिउड नायिका बन्न चाहानो एक युवतीलाई बलात्कार गरेको भन्दै भार्तिअ र अरु तीन जनाविरुद्ध जाहेरी परेको छ । युवतीले आफूलाई सिंगापुरमा विभत्स बलात्कार गरेको आरोप लाएको बेलायती विश्व च्यानल बीबीसीले उल्लेख गरेको छ ।

बीबीसीका अनुसार चार महिना अगाडि नै दर्ता गरेको जाहेरी गत आइतबार मात्रै दर्ता भएको थियो । बम्बई उच्च अदालतले आदेश दिएपछि मात्रै भार्तिआको जाहेरी दर्ता भएको हो ।

बलिउड नायिका बन्ने लक्ष्यमा हिँडेकी युवतीलाई नायिका बनाउने चलचित्रमा आफूले लगानी गर्ने भन्दै सिंगापुर लगिएको र त्यहाँ विभत्स बलात्कार गरिएको युवतिको आरोप छ ।

बलात्कारको भिडिओ पनि बनाइएको उनले जाहेरीमा उल्लेख गरेकि छिन् । घटना सन २०२३ को भएको बताइएको छ ।