काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पूर्वउपराष्ट्रपति नन्दबहादुर पुनलाई सक्रिय राजनीतिमा ल्याउनेबारे पार्टीमा कुनै विवाद नरहेको दाबी गरेका छन्।
विराटनगरमा प्रेस सेन्टरले गरेको पत्रकार सम्मेलनमा बोल्दै अहिलेसम्म औपचारिक निर्णय नगरिसकेकाले अभियानमा नल्याएको बताए।
उनले भने, ‘उपराष्ट्रतिलाई सक्रिय राजनीतिमा ल्याउनेबारे हाम्रो पार्टीमा कुनै विवाद छैन। तर, प्रदेशमा पनि साथीहरूको राय सुझाव बुझेर मात्रै उहाँलाई औपचारिक जिम्मेवारी दिँदा ठिक हुन्छ भनेकाले उहाँलाई उपाध्यक्ष बनाउने हो कि ? सचिव, उपमहासचिव बनाउने भन्नेबारे निर्णय गरिनसकेकाले नल्याएका हौँ।’
उनले पछिल्लो समय पार्टीमा चलेको लहरलाई बचाउन सके माओवादी ०६४ सालकै स्थितिमा फर्किने स्थिति आफूले देखेको बताए। उनले कांग्रेस र एमाले आफैँ नभई माओवादीले ठूलो बनाइदिएको भन्दै अब त्यो गल्ती नगर्ने बताए।
Leave a Reply