काठमाडौं । नेकपा माओवादी केन्द्रले जातीय र क्षेत्रीय मोर्चाहरू ब्युँताएको छ । सरकारबाट हटेपछि पार्टी निर्माणका लागि जनतामा फर्किने संकल्प गरेपछि माओवादीले पुस तेस्रो साता बसेको केन्द्रीय कमिटीको निर्णय अनुसार जातीय र क्षेत्रीय मोर्चा ब्युँताएको हो ।
अध्यक्ष पुष्पकमल दाहाल प्रचण्ड र महासचिव देव गुरुङले नेताहरूको कार्यविभाजनसहित पठाएको परिपत्रमा पहिचानसँग सम्बन्धित संगठन समन्वय संयोजक महासचिव गुरुङ नै तोकिएका छन् ।
परिपत्रमा मधेशी राष्ट्रिय मुक्ति मोर्चा इञ्चार्ज उपमहासचिव मातृकाप्रसाद यादव, जनजाति महासंघ इञ्चार्ज ओनसरी घर्ती, कर्णाली राष्ट्रिय मुक्ति मोर्चा इञ्चार्ज नरेश भण्डारी, सेती महाकाली मुक्ति मोर्चा इञ्चार्ज त्रिलोचन भट्ट रहेका छन्। पछिल्लो समय यी मोर्चाहरू निष्क्रिय थिए ।
यस्तै, मुस्लिम मुक्ति मोर्चा नेपाल इञ्चार्ज हकिकुल्लाहा खाँ मुसलमान र नेपाल दलित राष्ट्रिय मुक्ति मोर्चा नेपाल इञ्चार्ज परशुराम रम्तेल तोकिएका छन् ।
Leave a Reply