दुई मिलान र आर्सनल नकआउट चरणमा प्रवेश

हेटौँडा । च्याम्पियन्स लिग अन्तरगत बिहीबार बिहान भएको खेलमा इटालिएन क्लब एसी मिलान, इन्टर मिलान र इङ्लिस क्लब आर्सनल अन्तिम १६ मा प्रवेश गरेका छन् ।

बिहीबार बिहानको खेलमा क्रोयसियाको डाइनामो जाग्रेबलाई ३-० ले पराजित गर्दै आर्सनल अन्तिम १६ मा प्रवेश गरेको हो ।

७ खेलबाट १६ अङ्क सहित तालिकाको तेस्रो स्थानमा रहेको आर्सनल पहिलो आठ स्थानमा रही दोस्रो चरण पक्का गर्न सफल बनेको हो ।

बिहीबार बिहान नै भएको अन्य खेलहरूमा एसी मिलानले स्पेनको गिरोनालाई १-० गोलले पराजित गर्दै अघिल्लो चरण प्रवेश गर्दा इन्टरले चेक गणतन्त्रको स्पार्टालाई १-० ले हराउँदै दोस्रो चरण प्रवेश गरेको हो ।