काठमाडौं । चलचित्र ‘लाज शरणम्’ले चलचित्रको शीर्षकमा भिडियो प्रतियोगिता घोषणा गरेको छ ।
‘स्टार स्किम अफर’ नाम दिइएको यश प्रतियोगितामा सहभागीहरुले लोकपप सँगै आधुनिक गीत, कविता, र्याप, क्यारिकेचर र भाषण कलाका विधामा बढीमा दुई मिनेटसम्मको भिडियो बनाएर इमेलमार्फत पठाउनुपर्नेछ। प्रतियोगितामा सहभागिताका लागि यी पाँच विधामध्ये कुनै पनि विधा छान्न सकिने बताइएको छ। सहभागीहरुले भिडियाे चलचित्र ‘लाज शरणम्’को इमेल laajsharanammoviefalgun14@gmail.com मा पठाउन सक्नेछन् ।
प्रतियोगीहरुले तयार पारेका भिडियोहरु ‘लाज शरणम्’को आधिकारिक टिकटक अकाउन्टमा अपलोड गरिनेछ। निर्माण टिमले भ्यूज र सेयरको आधारमा उत्कृष्ट भिडियो छनोट गरी ५ जना विजेतालाई आकर्षक मोबाईल पुरस्कार प्रदान गर्ने जनाएको छ। यो प्रतियोगिता माघ १ गतेदेखि १५ गते राति १२ बजेसम्म खुला रहनेछ।
‘लाज शरणम्’ले केही समयअघि मात्र आफ्नो चलचित्रको तीनवटा पोस्टर सार्वजनिक गरेको थियो। सक्किगोनी टिमले निर्माण गरेको यो चलचित्र फागुन १४ गते महाशिवरात्रिको अवसरमा प्रदर्शन हुनेछ।
चलचित्रको निर्देशन कुमार कट्टेल ‘जिग्री ब्रो’ले गरेका हुन्। चलचित्रको प्रमुख कलाकारमा विजय बराल, महेश त्रिपाठी, अर्पण थापा, रेणु योगी, विजय लामा, मुकुन्द श्रेष्ठ, माला लिम्बु, अर्जुन घिमिरे, सागर लम्साल, हरिष निरौला, प्रियाना आचार्यलगायतका कलाकार छन्। जेपिटी क्रियसनको ब्यानरमा निर्माण भएको चलचित्रमा अधिकांश ‘सक्किगोनि’ टिमका कलाकार नै रहने छन् । नवीन श्रेष्ठ निर्माता, राम नरेश शाह र सृजना खड्का सह–निर्माता रहेको चलचित्रमालाई सुदीप बरालले छायांकन गरेका हुन् ।
Leave a Reply