काठमाडौं । नेकपा माओवादी केन्द्रका केन्द्रीय सदस्य लेखनाथ न्यौपानेले पार्टी संगठनभित्र पनि डन र धनवाद मौलाएको टिप्पणी गरेका छन्।
अखिल क्रान्तिकारीमा उमेर हदको विषयमा हिजो लफडा भएपछि अखिल क्रान्तिकारीका पूर्वअध्यक्ष समेत रहेका पौडेलले असन्तुष्टि जनाएका हुन्।
उनले विगतलाई सम्झिँदै भनेका छन्, ‘न म तेजाबी कार्यकर्ता थिएँ न मेधावी नै । न म बौद्धिक थिएँ न चतुर नै । न इच्छा थियो अध्यक्ष बन्ने न महत्वाकांक्षा र लालसा नै । आवश्यकतालाई सम्बोधन गर्ने निर्णय र जिम्मेवारी होला भन्ठानेर एक वाक्य हुन्छ वा हुँदैन नभनी ०६० असारमा जिम्मेवारी लिएको त्यो अवस्था । तर आज संस्कार, अभ्यास र मूल्य पुरै भत्किए जस्तो, उपभोक्तावाद, डन र धनवाद मौलाएको जस्तो ।’
उनले आफैँले आफैँलाई अब्बल राजा घोषणा गरेको र व्यवहार प्रस्तुत गरेको दृश्यले खिन्नताभित्र भिन्न अनुभूति भएकै उनको भनाइ छ।
क्रान्तिकारीको सम्मेलनमा उमेरहदको विवाद भएपछि पार्टीले मतदान प्रक्रियाबाट टुंग्याउन निर्देशन दिइसकेको छ। तर, अहिलेसम्म प्रक्रिया सुरु भएको छैन।
Leave a Reply