काठमाडौं । करिव ३ सय युवाहरू नेकपा एमालेमा प्रवेश गरेका छन् ।
एमालेको मुख्यालय तुलसीलाल स्मृति प्रतिष्ठान च्यासलमा युवा विद्यार्थी विशेष जिल्ला कमिटीले मङ्गलबार आयोजना गरेको एक कार्यक्रममा करिव ३ सय युवाहरूलाई एमालेका महासचिव शंकर पोखरेलले स्वागत गरेका थिए ।
त्यसैगरी केन्द्रिय कमिटी सदस्य तथा इन्चार्ज रमेश पौडेल र जिल्ला कमिटीका अध्यक्ष रामजी सापकोटाले नबप्रबेसीलाई स्वागत गर्दै सम्बोधन गरेका थिए ।
युवाहरूलाई स्वागत गर्दै महासचिव पाेखरेलले नेपाली राजनीतिमा एमाले बाहेक अन्य दलहरुको विकल्प नभएको भन्दै एमालेले युवाहरुको उचित मुल्याङकन गर्दै जिम्मेवारी प्रदान गर्ने बताए ।
त्यस्तै नवप्रवेशीलाई स्वागत गर्दै उचित व्यवस्थापन गरिने नेकपा एमालेका केन्द्रीय सदस्य तथा युवा विद्यार्थी विशेष जिल्ला कमिटीका इन्चार्ज रमेश पौडेलले बताए ।
रामजी सापकोटाले नेकपा एमालेलाई २०८४ सालसम्म प्रमुख राष्ट्रिय शक्तिको रुपमा अगाडि बढाएर स्थिर सरकार निर्माण गरी एमालेलाई बहुमतसहितको स्थिर सरकार बनाएर देशलाई सुखी नेपाली समृद्ध नेपालको दिशातर्फ अगाडि बढाउनुपर्ने बताए ।
त्यसैगरी राष्ट्रिय पूँजीको निर्माण गर्ने र नेपालभित्रै ब्यापक रोजगारी सिर्जना गरी देशभित्रै युवा रहन सक्ने वातावरण निर्माण गर्नुपर्ने बताए ।
‘राजनीतिमा व्यक्ति नायक होइन प्रणाली बलियो हुनुपर्छ प्रणाली बलियो भयो भने सरकार स्थिर र देशमा विकास हुन्छ । अहिले समाजमा देखिएका अराजक गतिविधिले देशलाई राम्रो गर्दैन । अराजकताले देशलाई राम्रो गर्दैन त्यसैले देश विकासका लागि राजनैतिक पार्टी बलियो हुनुपर्छ । ’ उनले भने ।
Leave a Reply