काठमाडौं । नेकपा एमालेले पार्टी अध्यक्ष केपी शर्मा ओली नेतृत्वको सरकारको समीक्षा गर्ने भएको छ । आज बस्ने सचिवालय बैठकले सरकारको कामकारबाहीबारे समीक्षा गर्ने प्रचार विभाग प्रमुख राजेन्द्र गौतमले बताए ।
उनले भने, ‘सरकारले गरेका अहिलेसम्मको कामको समीक्षा हुन्छ । आगामी दिन सरकारले गर्नुपर्ने कामको बारेमा पनि बैठकमा छलफल हुन्छ ।’ बैठक दिउँसो १ बजे बस्दैछ ।
उनले सडकमा विभिन्न समूहले देखिएको अराजकताको विषयमा पनि गम्भीर छलफल हुने उनले बताए । गौरा पर्वको अवसरमा टुँडिखेलमा आयोजित कार्यक्रममा प्रधानमन्त्री ओली र कांग्रेस सभापति शेरबहादुर देउवाविरुद्ध नाराबाजी भएको थियो । त्यसबाहेक अन्य व्यवस्थाविरोधी अराजक आन्दोलत र प्रवृत्तिको बिषयमा पनि बैठकमा छलफल हुने बताइएको छ ।
यस्तै बैठकले पार्टीको वार्षिक कार्ययोजनाबारे पनि छलफल हुने बताए । संगठनात्मक कामकारबाही, जनपरिचालन, कार्यविभाजनलगायतका विषयमा पनि छलफल हुने उनले बताए ।
Leave a Reply