समिक्षा अधिकारी र राजेश बर्देवाको स्वरमा तीज गीत ‘नाच छम्म छम्म’ सार्वजनिक (भिडियो)

काठमाडौं । राजेश बर्देवाको ‘नाच छम्म छम्म’ बोलको तीज गीत सार्वजनिक भएको छ । मंगलबार राजधानी काठमाडौंमा आयोजित एक समारोहका विच गीत सार्वजनिक गरिएको हो ।

गायक बर्देवाको युट्युब च्यानलमार्फत सार्वजनिक गरिएको गीतमा चर्चित गायिका समीक्षा अधिकारी र बर्देवाकै स्वर रहेको छ । ओबी रायमाझी र जाहन्वी बस्नेतको अभिनय तथा नृत्य रहेको भिडियोको निर्देशन रामजी लामिछानेले गरेका हुन् ।

कृष्ण कंडेल र प्रिया कुमारको शब्द सिर्जनामा सजिएको गीतले तीजको परम्परागत मौलिकतालाई समेटेको छ । बजारमा सार्वजनिक भएका तीज गीत परिवारसँगै बसेर हेर्न नसकिने भएकाले तीज गीतमा विकृति बढेको भन्दै आलोचना भइरहेको बेला बर्देवाले सार्वजनिक गरेको मौलिक भाकामा आधारित ू‘च छम्म छम्म’ लोकप्रिय हुने विश्वास लिइएको छ ।