अमेरिकी सहायक विदेशमन्त्री भन्छन्- भारत हाम्रो निकट साझेदार कहिल्यै हुँदैन

काठमाडौं । अमेरिकी सरकारका एक अधिकारीले भारत अमेरिकाको निकट साझेदार कहिल्यै हुन नसक्ने बताएका छन् ।

अमेरिकी सहायक विदेशमन्त्री कुर्त काम्बेलले अमेरिकाको भारत निकट साझेदार नभए पनि भारतसँग सम्बन्ध हुन रणनीतिक रुपमा आवश्यक भएको बताएका छन् ।

रुसी विश्व च्यानल आरटीका अनुसार काम्बेलले मंगलबार भएकोे सिनेटको विदेश सम्बन्ध समितिको बैठकमा भारतको अमेरिकामा भएका डायस्पोरासँग मिलेर सम्बन्ध बलियो बनाउन सकिने बताएका छन् ।

भारत आफैं महाशक्ति बन्नेगरी लागेको भन्दै उनले भारत र अमेरिका निकट साझेदार बन्न नसक्ने बताएका हुन् । तर, सम्भव भएसम्मको सम्बन्ध बनाउन अमेरिकाले पहल गर्नुपर्ने उनको भनाइ छ ।