‘फर्की फर्की’ मा अनमोलको पारिश्रमिक ५० लाख, तिरे ७ लाख ५० हजार कर

काठमाडौं । अभिनेता अनमोल केसीले चलचित्र ‘फर्की फर्की’ बाट आफूले प्राप्त गरेको पारिश्रमिक बापत ७ लाख ५० हजार कर तिरेका छन्।

‘फर्की फर्की’ का निर्माता रोहित अधिकारीले केसीले तिरेको करको रसिद सार्वजनिक गरेका हुन् ।

अनमोलले फिल्मबाट पाएको ५० लाख पारिश्रमिक बापतको १५ प्रतिशत प्रत्यक्ष (टीडीएस) कर सरकारलाई तिरेका हुन् । यो सार्वजनिकीकरणसँगै अनमोलले ५० लाख रुपैयाँ पारिश्रमिक लिएको पुष्टि भएको छ।

अहिलेसम्म कलाकारहरूले जति पारिश्रमिक लिए पनि कति कर बुझाए भन्ने खुलेको थिएन। अनमोलले पहिलो पटक आफूले प्राप्त गरेको पारिश्रमिकबापत तिरेको करको रकम सार्वजनिक गरेका हुन।