काठमाडौं । ललितपुर मेयर वुमेन्स च्याम्पियनसिप टी–२० प्रतियोगिताका लागि ललितपुर मेयर ११ को टोली घोषणा भएको छ ।
नेपाल क्रिकेट संघ (क्यानक) को आयोजनामा चैत्र २१ देखि २८ सम्म त्रिवि क्रिकेट मैदानमा हुने प्रतियोगिताका लागि ललितपुर मेयर ११ ले सरस्वती चौधरीको कप्तानीमा १४ खेलाडीको नाम सार्वजानिक गरेको हो। सरस्वतीको टोलीमा अनुराधा चौधरी, कविता गौतम, सोभा आले, बिमला मगर, बिन्दु कटवाल, सुमन खतिवडा, कन्चन श्रेष्ठ, आरती बिडारि, अश्मिना कर्माचार्य, केनुका बस्नेत, सृष्टि पौडेल, अलिशा लामिछाने र निशा पराजुली समेटिएका छन् ।
राउन्ड रोबिन पद्धतिमा हुने प्रतियोगितामा पीएम कपको विजेता प्रदेश नम्बर १, विभागीय टोली नेपाल एपीएफ क्लब, लुम्बिनी र सुदुरपश्चिम प्रदेश र मेयर–११ सहित पाँच टोलीको सहभागिता रहने छ ।
त्रिवि क्रिकेट मैदानमा हरेक दिन प्रतियोगिताका दुई खेल हुने र समूह चरणका शीर्ष दुई टोलीले फाइनल खेल्नेछन् । प्रतियोगिताको विजेताले ३ लाख तथा उपविजेताले १ लाख ५० हजार रुपैँयाँ प्राप्त गर्ने क्यानले बताएको छ ।
त्यस्तै, प्लेयर अफ दी सिरिजले २५ हजार र विधागत–ब्याटिङ र बलिङतर्फ उत्कृष्ट खेलाडीले १५/१५ हजार पाउने छन् । हरेक खेलको प्लेयर अफ दी म्यचले ३ हजार र प्रत्यक खेलाडीले म्याच फि बापत १ हजार रुपैयाँ प्राप्त गर्ने क्यानले जानकारी दिएको छ ।
Leave a Reply