लन्डन । वेल्स यसै वर्ष कतारमा आयोजना हुने विश्वकप फुटबलका लागि छनोट भएको छ।
शनिबार राति भएको प्ले अफ फाइनलमा युक्रेनलाई १–० गोलले पराजित गर्दै वेल्सले विश्वकपमा स्थान बनाएको हो।
वेल्सले ६४ वर्षपछि पहिलोपटक विश्वकप खेल्न लागेको हो। यसअघि अन्तिमपटक सन् १९५८ मा विश्वकप खेलेको थियो। त्यसयता छनोट हुन सकेको थिएन। वेल्सको मैदानमा शनिबार राति भएको खेलमा घरेलु टोली युक्रेनबाट भएको आत्मघाती गोलमा अगाडि बढेको हो।
युक्रेनका कप्तान आन्द्रेय यार्मोलेन्कोबाट आत्मघाती गोल भएको हो। गारेथ बेलले प्रहार गरेको बल रोक्न खोज्दा यार्मोलेन्कोले प्रहार गरेको हेड बल आफ्नै गोलपोष्टमा छिरेको थियो।
वेल्सले यसअघि एकपटक मात्र विश्वकप खेलेको छ। वेल्सले ५८ वर्षपछि पहिलोपटक सन् २०१६ को युरोकप खेलेको थियो। त्यतिबेला सेमिफाइनलसम्म पुगेको थियो।
योसँगै कतार विश्वकपमा युरोपबाट छनोट हुने सबै १३ टोलीको टुंगो लागेको छ ।
Leave a Reply