रूपन्देही । दाङको तुलसीपुर उपमहानगरपालिकामा नेकपा एमालेले निरन्तर अग्रता लिएको छ ।
पछिल्लो मत परिणामअनुसार ५४,१२३ मत गणना हुँदा एमालेबाट मेयरका उम्मेदवार टिकाराम खड्काले २२,८५९ मत प्राप्त गरी अग्रता लिइरहेका छन् भने कांग्रेसका उम्मेदवार गेहेन्द्र गिरीले २१२५९ मत प्राप्त गरेका छन्।
एमालेका खड्काले १६०० मतान्तरले अग्रता लिइरहेका छन् । त्यस्तै उप मेयरमा एमालेकी स्यानी चौधरीले २२,४०७ मत प्राप्त गरी अग्रता लिइरहेकी छन् भने नेकपा एकीकृत समाजवादीका जोगबहादुर राणाले १५८७२ मत प्राप्त गरेका छन् ।
एमाले महासचिव शंकर पोखरेलको गृहपालिका भएकाले पनि यहाँको नतिजा चासोका साथ हेरिएको छ ।
Leave a Reply