बलेफीका एमाले वडा सदस्य उम्मेदवारमाथि कांग्रेसको आक्रमण

सिन्धुपाल्चोक । सिन्धुपाल्चोकको बलेफी गाउँपालिका– ७ का वडा सदस्यका आफ्नो उम्मेदवार लेखबहादुर तामाङमाथि कांग्रेस वडा सभापति नीरबहादुर तामाङ नेतृत्वको समूहले आक्रमण गरेको एमालेले आरोप लगाएको छ ।

शनिबार राति सभाचौरस्थित आफ्नै घरमा सुतिरहेका तामाङमाथि वडा सभापति तामाङ र शेरबहादुर तामाङले आक्रमण गरेको बलेफी एमालेले जनाएको छ । राति करिब १० बजेतिर घरमै आइ कठालो समाएर कांग्रेस कार्यकर्ताले कुटपिट गरेको बताइएको छ ।

कुटपिटबाट एमाले उम्मेदवार तामाङ घाइते भएका छन् । उनको आँखा र अनुहारमा चोट लागेको छ ।