काठमाडौं । महन्थ ठाकुर नेतृत्वको लोकतान्त्रिक समाजवादी पार्टी नेपालले उपेन्द्र यादव नेतृत्वको जनता समाजवादी पार्टी नेकपा माओवादी केन्द्रको ‘भाइ पार्टी’ भएको टिप्पणी गरेको छ ।
लोसपाको स्थानीय निर्वाचन घोषणापत्रमा जसपालाई मुद्दाविहीन र संकीर्ण जातीयता केन्द्रित सत्तामुखी पार्टीको रूपमा चित्रण गरिएको छ ।
‘संविधानसभालाई निर्णायक मोडमा पुर्याउन भूमिका खेलेको र मधेस आन्दोलनको दौरान अग्र मोर्चामा रहेको माउ पार्टी मधेसी जनाधिकार फोरम नेपालको साखलाई धुलीसात गर्दै अहिले मदेसको मुद्दालाई नै बिर्सिएर जसपा नेपाल नेकपा माओवादी केन्द्रको भाइ पार्टीको रूपमा देखिएको छ’, लोसपाको घोषणापत्रमा उल्लेख छ ।
जसपाको उद्देश्य सत्ता प्राप्ति मात्रै रहेको भन्दै जसपाका कारण मधेस–थरुहट आन्दोलनको अवमूल्यन भएको दाबी घोषणापत्रमा गरिएको छ ।
Leave a Reply