काठमाडौं । नेकपा एमालेका केन्द्रीय सदस्य दल फडेराको घर माओवादी र नेकपा एकीकृत समाजवादी पार्टीका कार्यकर्ताले तोडफोड गरेका छन् ।
हुम्लाको आदानचुली गाउँपालिकाका अध्यक्ष समेत रहेका फडेराको घर माओवादी र नेकपा एकीकृत समाजवादी पार्टी कार्यकर्ताले घेरा हालेर तोडफोड गरेका हुन् ।
वैशाख ४ गते पार्टी केन्द्रीय अध्यक्ष केपी ओली आउने कार्यक्रमको तयारीमा हिँडेको समयमा एमाले कार्यकर्ताहरूले नारा जुलुस लगाएर हिँड्दा एक जना माओवादी कार्यकर्ता घरमा पानीको ट्याङ्की लडेको र ट्याङ्की पुनः उठाएर पुरानै ठाउँमा राखेर हिँडेका भए पनि त्यही निहुँमा उनीहरूले आफ्नो घर तोडफोड गरेका फडेराले बताए ।
उनले आफ्नो घर अहिले पनि उनीहरूकै घेरामा रहेको बताए ।
उनले भने, अहिले प्रहरीले घर भित्र प्रवेश गर्न नदिएको भए पनि प्रहरीको घेरा भन्दा पछाडि सयौँको संख्यामा माओवादी र एकीकृत समाजवादीका कार्यकर्ता रहेका छन् । मेरो घरमा छापामार शैलीमा जनयुद्धको झल्को दिने गरी घेरा हालेका छन्, प्रहरी नआएको भए पनि प्रहरीको संख्या थोरै भएका कारण उनीहरूले जे पनि गर्न सक्ने अवस्था रहेको छ ।
फडेराले घरमा क्षति पुगे पनि आफूहरू सुरक्षित रहेको बताए ।
सङ्ख्यात्मक रूपमा प्रहरीको संख्या कम रहेको छ । अहिले अरू ठाउँबाट पनि प्रहरी आइरहेको उ नले बताए ।
Leave a Reply