काठमाडौं । राष्ट्रिय स्वतन्त्र पार्टी रास्वपाले प्रतिनिधिसभा निर्वाचनका लागि उम्मेदवार छनौट प्रक्रियामा सहभागी हुन चाहनेहरुका लागि आवेदन दिने समय २६ गतेसम्म खुला रहने भएको छ ।
पार्टीको आन्तरिक उम्मेदवार छनौट प्रक्रियामा सहभागी हुन इच्छुक योग्यता पुगेका पार्टी सदस्यहरुलाई उम्मेदवार छनोट रूपरेखा बमोजिम आवेदन दिन रास्वपाले आग्रह गरेको छ ।
उम्मेदवारी राष्ट्रिय स्वतन्त्र पार्टीको मोबाइल एप मार्फत दिन सकिने उक्त पार्टीले जनाएको छ । आवेदन शुल्क २५ हजार तय भएको छ ।
योग्यता पुगेका पार्टी सदस्यहरुले आर्थिक अभावका कारण आवेदन शुल्क तिर्न नसक्ने अवस्था भएमा आफ्नो आवेदनसाथ निम्न कागजातहरू अनिवार्य रूपमा पार्टी केन्द्रीय कार्यालय वा इमेलमार्फत् (candidateselectionrsp@gmail.com) उम्मेदवार छनोट समितिमा पेश गर्नुपर्ने पनि रास्वपाले जनाएको छ ।
निम्न
क. सम्बन्धित सरकारी निकायले जारी गरेको विपन्नताको परिचयपत्र
ख. सम्बन्धित पार्टी पालिका समितिबाट जारी सिफारिस पत्र
• उपलब्ध कागजातहरूको आधारमा आवेदन शुल्क मिनाहा गर्ने/नगर्ने सम्बन्धमा अन्तिम निर्णय पार्टी केन्द्रीय सचिवालयले गर्नेछ ।
Leave a Reply