काठमाडौं । नेकपा एमालेको ११औं महाधिवेशन अन्तर्गत बन्दसत्र दिउँसो ३ बजेदेखि सुरु हुने भएको छ ।
केन्द्रीय कमिटीको बैठकका कारण सरेको बन्दसत्र १२ बजे, १ बजे हुँदै दिउँसो ३ बजेका लागि सरेको हो । एमालेका प्रचार तथा प्रकाशन विभाग प्रमुख राजेन्द्र गौतमका अनुसार खानापछि बन्दसत्र सुरु हुनेछ । काठमाडौंस्थित भृकुटीमण्डपमा हुने बन्दसत्रमा २२६२ महाधिवेशन प्रतिनिधि छन् भने सयौं कार्यकर्ता भृकुटीमण्डपमा भेला भएका छन् ।
केन्द्रीय कमिटीको बैठकले पुरानै विधान कायम गरेर जाने निर्णय गरेको छ । पोलिटब्युरोको एक तिहाइ सङ्ख्याको स्थायी कमिटी, पोलिटब्युरो ९९ सदस्यीय बनाउने निर्णय भएको छ भने केन्द्रीय कमिटी ३०१ सदस्यीय बनाउने निर्णय गरिएको छ ।
बन्दसत्रमा विधान संशोधनका सन्दर्भमा सङ्ख्या र संरचनामात्र परिवर्तन हुने र अन्य यथावत् रहने बताइएको छ ।
Leave a Reply