प्रभु बैंकका सीईओसहित चार जनाको अनुसन्धान म्याद दोस्रो पटक २ दिन थप

काठमाडौं । प्रभु बैंकका सीईओ अशोक शेरचनसहित चार जनामाथि दर्ता भएको बैंकिङ्ग कसूर मुद्दामा अनुसन्धानका लागि अदालतले दोस्रो पटक म्याद थप गरेको छ ।

उच्च अदालत पाटनका न्यायाधीश सोमकान्त मैनाली र केशवप्रसाद बास्तोलाको को वाणिज्य इजलासले शुक्रबार २ दिन म्याद थप गर्ने निर्णय गरेको हो ।

मुद्दामा प्रभु बैंकका सीईओ अशोक शेरचन, डिप्यूटी सीईओ मणिराज पोखरेल, सीसीओ रिवाश श्रेष्ठ, राजेन्द्र शाक्य समेतका भूमिकाबारे अनुसन्धान भइरहेको छ । उच्च अदालत पाटनको प्रशासन शाखाले म्याद थपबारे जानकारी दिएको हो ।