काठमाडौं । नेपाल कम्युनिष्ट पार्टी (एमाले) को यही मङ्सिर २७ गतेदेखि सुरु हुने ११औँ राष्ट्रिय महाधिवेशनको तयारी सुरु भएको छ । महाधिवेशनको उद्घाटन भक्तपुरको सल्लाघारीस्थित नेपाल ट्रष्टको चौरमा हुनेछ ।
एमालेका उपमहासचिव प्रदीप ज्ञवालीका अनुसार उद्घाटनस्थलमा करिब दुई लाख मानिस अट्न सक्छन् । उद्घाटन सत्रमा उक्त चौर भरिभराउ हुने नेता ज्ञवालीले बताए । उनले महाधिवेशनका सबै तयारीहरू उत्साहजनक रूपमा अगाडि बढिरहेको जानकारी दिए ।
महाधिवेशनमा करिब दुई हजार ५०० बढी प्रतिनिधि सहभागी हुने छन् । उद्घाटन सत्रमा देशभरबाट एक लाख ५० हजार बढी कार्यकर्ता सहभागी हुने अनुमान गरिएको छ ।
प्रचार विभाग प्रमुख गौतमले मञ्चलगायतका संरचनाहरु कसरी बनाउने भन्ने तयारी स्वरुप आजको निरीक्षण गरिएको बताए । उनले मञ्च निर्माणदेखि नै करिब ६०० स्वयंसेवक पोसाकमा खटिने जनाइएको छ । पार्टी जिल्लाका उपाध्यक्ष किरण थापाले आजबाटै डोजर लगाएर कार्यक्रमस्थल तयारी सुरु गरेको जानकारी दिए ।
यसैबीच नेकपा एमालेको ११ औं महाधिवेशन नजिकिएसँगै पार्टी कार्यालय च्यासलमा चहलपहल बढेको छ । तस्बिरहरु हेर्नुहोस् ।
Leave a Reply