रुपन्देही। लुम्बिनी विकास कोषको सदस्य सचिवमा दीपक श्रेष्ठले बुधवार लुम्बिनी विकास कोषको केन्द्रीय कार्यालयमा हाजिरी गरेर पदभार ग्रहण गरेका छन् ।
श्रेष्ठलाई सदस्य सचिवमा मनोनीत प्रधानमन्त्री एवं संस्कृति, पर्यटन तथा नागरिक उड्डयनमन्त्री सुशीला कार्कीले गरेकी हुन् ।
केही समय नागरिक उड्डयन प्राधिकरणमा काम गरेपछि श्रेष्ठ २०६७ बाट नेपाल खानेपानी संस्थानमा प्रवेश गरेका थिए । संस्थानका बनेपा र धरानका शाखा प्रमुख सम्हालेपछि उनी २०७० सालमा अख्तियार दुरुपयोग अनुसन्धान आयोगमा कार्यरत थिए ।
अख्तियारमा उनले ८ वर्ष भ्रष्टाचारसम्बन्धी अनुसन्धानको काम गरे । उनलाई खानेपानी संस्थान र अख्तियार गरी दुवै संस्थाले उत्कृष्ट कार्यसम्पादन लागि पुरस्कृत गरेको थियो। पछिल्लो समय उनले संस्थानको प्राविधिक अनुगमन तथा निरीक्षण शाखाको प्रमुख भएर काम गरिरहेका थिए ।
पदभार ग्रहणपछि नेपाल प्रेससँग कुरा गर्दै उनले आफू काम गरेर देखाउनका लागि लुम्बिनी आएको जनाए । ‘मैले काम गरेर देखाउनु छ, सबैको सल्लाहमा काम गरेर लुम्बिनीलाई नयाँ उचाइमा पुराउनुपर्ने छ’ उनले भने–‘यति लामो समय काम गरेको क्षेत्र छाडेर लुम्बिनीलाई बनाउनेगरी आएको हुँ ।
Leave a Reply