काठमाडौं । शोभित बस्नेतको निर्देशनमा तयार भएको चलचित्र ‘पीआर’ को ट्रेलर सार्वजनिक भएको छ। मङ्गलवार निर्माण टिमले एक पत्रकार सम्मेलन गर्दै चलचित्रको ३ मिनेट १ सेकेण्ड लामो ट्रेलर सार्वजनिक गरेको हो।
सार्वजनिक ट्रेलरमा नेपालबाट अष्ट्रेलिया पढ्न गएका युवाहरुको कथा छ। नेपालबाट ऋण लिएर अस्ट्रेलिया पठाएको छोराले, पैसा पठाउन नसक्दाको कथा ट्रेलरमा देखाउन खोजिएको छ। ट्रेलरमा बिछोड, समस्या, आफ्नो देशको मायासँगसँगै प्रेम पनि देखाइएको छ।
यही मंसिर २६ गतेबाट देशव्यापी रिलिज हुन लागेको यो चलचित्रको प्रचारका लागि अष्ट्रेलिया बसोबास गर्दै आएका आर ए सुरज पौडेल र विनीता कार्की नेपाल आएका छन्।
चलचित्रमा यी दुईले मुख्य भूमिका निभाएका छन् । यी दुईको अलावा चलचित्रमा राजन कुँवर, पूजा चौधरी,आश्मा अधिकारी मस्तानी, विमला खत्री, गणेश बुढाथोकी, म्याक्स कृष्ण थापा र नवीन घायल प्रमुख भूमिकामा छन्।
विशेष भूमिकामा नीर शाह, गौरी मल्ल, रविन्द्र खड्का, उत्तम के.सी.नेपाल र दिक्पाल कार्कीलाई पनि देख्न सकिन्छ। सलोन सलिना फिल्म्सको ब्यानरमा बनेको यो चलचित्रमा लक्ष्मण सापकोटा र प्रदीप दाहालको लगानी छ। चलचित्रको कथा गणेश बुढाथोकीले लेखेका छन् ।
Leave a Reply