विष्णु पौडेलसँगको पुरानो फोटो राख्दै ईश्वरले भने- जोखिम, प्रतिकूलता र दुःखका दिनमा हामी सँगै

काठमाडौं । नेकपा एमालेका वरिष्ठ उपाध्यक्ष ईश्वर पोखरेलले उपाध्यक्ष विष्णु पौडेललाई जन्मदिनको शुभकामना दिँदै विगत सम्झिएका छन् ।

११ औँ महाधिवेशनमा पार्टी अध्यक्षमा केपी ओलीसँग भिड्ने घोषणा गरेका पोखरेलले आज पौडेललाई शुभकामना दिँदै विगतका दुःखमा साथ दिएको स्मरण गरेका हुन् ।

फेसबुकमा पुरानो तस्बिर राख्दै पोखरेलले लेखेका छन्, ‘प्रिय विष्णु पौडेल कमरेड ! जन्म दिवसका अवसरमा हार्दिक शुभकामना ! जोखिम, प्रतिकूलता र दुःखका दिनमा हामीसँगै रहेको क्षण याद दिलाउने तस्बिरमा हामी दुई !’

महाधिवेशनमा पार्टीभित्र आन्तरिक प्रतिस्पर्धा हुँदा पौडेलसँग नतिजामा उलटफेर पार्नसक्ने शक्ति रहेको बताइन्छ । अध्यक्ष केपी ओलीनिकट रहेर काम गर्दै आइरहेका पौडेल ११ औँ महाधिवेशनमा कता खुल्छन् अझै तय भइसकेको छैन ।

ओलीको पक्षमा खुलेको चर्चा भएपछि आन्तरिक सङ्घर्षमा अन्तिमसम्म पौडेल ‘पर्ख र हेर’ को अवस्थामा रहेको बताइन्छ ।