मेयर साहका पिताको दाहसंस्कार सुरू, को-को पुगे आर्यघाट ?

काठमाडौं । काठमाडौं महानगरपालिकाका मेयर बालेन्द्र साहका पिता डा. रामनारायण साहको शवलाई सिभिल अस्पतालबाट पशुपति आर्यघाट लगिएको छ । साहको आज उपचारका क्रममा निधन भएको थियो ।

मेयर साह, उनकी पत्नी र परिवारका सदस्यहरू सिभिल अस्पतालमा जम्मा भएका थिए । उनीहरु सबै भावविव्हल बनेका छन् । बालेन निकट केही नेताहरू पनि अस्पतालमा देखिए । खेलकुदमन्त्री बब्लु गुप्ता, पूर्वशिक्षामन्त्री सुमना, श्रेष्ठ रास्वपाका नेता गणेश कार्की, विवेकशीलका मिलन पाण्डेलगायत अस्पताल पुगेका थिए । अस्पतालमा बाक्लो संख्यामा शुभेच्छुकको उपस्थिति रहेको थियो ।

खेलकुदमन्त्री गुप्ता आर्यघाट पनि पुगेका छन् । यस्तै उपसभामुख इन्दिरा रानामगर पनि आइपुगेकी छन् । रास्वपाका पूर्वसांसद गणेश पराजुलीदेखि कलाकार निश्चल बस्नेतसम्मको उपस्थित छ । मातृशोकमा रहेका बस्नेत सेतो लुगामा छन् । आर्यघाटमा सयौं शुभेच्छुकहरूको उपस्थिति रहेको छ ।