घनश्याम भुसालको ठहर- एमालेमा असामान्य मनोकांक्षा, माओवादी अविश्वसनीय (पूर्णपाठ)

काठमाडौं । नेकपा (संयुक्त) का कार्यवाहक अध्यक्ष घनश्याम भुसालले नेतृत्वको असामान्य महत्वाकाङ्क्षाका लागि नेकपा एमाले अराजनीतिकरण हुँदै गएको ठहर गरेका छन् ।

माओवादी सुखसयलमा फसेको ठहर गर्दै उनले आम मानिसका दिमागबाट जनयुद्धका सम्झना मेटाइदिनु नै सजिलो बाटोका रूपमा अख्तियारी गरेको उल्लेख गरेका छन् ।

पार्टीको कार्यवाहक अध्यक्षको जिम्मेवारी पाएपछि बसेको पहिलो बैठकमा भुसालले त्यस्तो धारणा राखेका हुन् । उनले राजनीतिक पार्टीहरूमा सुधारको कुनै लक्षण नदेखिएको अवस्थामा दलाल पुँजीपति बिचौलिया, राज्यका स्थायी संयन्त्रहरूले पनि सुरक्षित महसुस गरेको निष्कर्ष पेश गरेका छन् । आफ्नो दस्ताबेजमा लेखेका छन्, ‘पुराना पार्टीहरूमा सुधारको गुञ्जायस हुन्थ्यो भने नयाँ पुस्ताले सजिलै बाटो भेटाउँथ्यो ।’ त्यसको अभावमा अभावमा अहिले जेन–जीका नाममा दर्जनौँ सञ्जाल बन्दै गएको र जिल्लाहरूमा पनि अनेक समूहहरू देखिएको उल्लेख गरेका छन् ।

मुलुकको राजनीतिक वृत्तमा देखिको विचलनलाई संश्लेष्ण गर्दै भुसालले लेखका छन्, ‘सबैजसो पार्टीको मुख्य नेतृत्व राज्यदोहन र भ्रष्टाचारमा लाग्यो । पार्टीका धेरैजसो गुटबन्दी पनि कमाउने प्रतिष्पर्धामा भागबण्डा नमिलेपछि हुन थाले । नीति, विधि, सिद्धान्तजस्ता विषय किनारा लगाइए, बदनाम गरिए । राजनीतिको कारोवारीकरण, भ्रष्टीकरण र गुण्डाकरणले पार्टीका असल मानिसहरु किनारा लाग्दै गए । यसरी पुराना भनिएका पार्टीहरु आफैभित्र कमजोर हुँदै गए र जनताको नजरमा पनि गिर्दै गए ।’

हेर्नुहोस्, पूर्णपाठ–