काठमाडौं । न्यायमा पहुँच नभएका तथा महिला र उत्पीडन भोगेकाहरुको पक्षमा निःशुल्क वकालत गर्दै आएकी अधिवक्ता राधिका खतिवडा नेकपा एमालेको महाधिवेशन प्रतिनिधिमा सर्वसम्मत चयन भएकी छन् ।
राधिका खतिवडाले अखिलमा उपाध्यक्षको चुनाव हारेपछि वकालती पेशामा मात्रै लागिनन्, गरिव र असहायको मुद्दा निःशुल्क लडेर ‘गरिवकी वकिल’ को पहिचान पनि बनाइन् । अहिले उनी एमालेको महाधिवेशन प्रतिनिधिमा सर्वसम्मत चयन भइन् र केन्द्रीय सदस्यको उम्मेदवारी पनि घोषणा गरेकी छन् ।
मंसिर २७ देखि २९ सम्म काठमाडौंमा सम्पन्न हुने एमालेको ११ महाधिवेशनका लागि सर्लाहीका चारै निर्वाचन क्षेत्रमा सर्वसम्मत प्रतिनिधि चयन भए । त्यसअन्तर्गत खतिवडा क्षेत्र नं. २ बाट महिला क्लष्टरमा प्रतिनिधि चयन भएकी छन् । प्रतिनिधि चयन भएपछि नेपाल प्रेससँग उनले आफू केन्द्रीय सदस्यको प्रत्यासी रहेको बताइन् ।
केपी ओलीकै नेतृत्वमा एमालेको आगामी नेतृत्व चयन हुने भन्दै उनले आफू सोही खेमाबाट केन्द्रीय सदस्यको यात्रामा अगाडि बढेका बताइन् । सर्लाही जिल्लाका सबै निर्वाचन क्षेत्रबाट सहमतिमा प्रतिनिधि चयन भएको छ ।
त्यस्तै आदिवासी जनजाति महासंघकी सचिव शान्ति लामा पनि सर्लाही १ बाट महाधिवेशन प्रतिनिधि बनेकी छन् । उनी लालबन्दी नगरपालिकाको पूर्व उपमेयर हुन् ।
Leave a Reply