राहदानी बनाइदिने भन्दै बिचौलियाको काम गर्ने तीन जना पक्राउ

काठमाडौं । राहदानी विभाग त्रिपुरेश्वरको मूलगेट बाहिर बसी बिचौलियाको काम गर्नेहरुलाई प्रहरीले नियन्त्रणमा लिएको छ ।

राहदानी बनाइदिने भन्दै बिचौलियाको काम गर्ने काठमाडौंका मनराज श्रेष्ठ, बझाङका हेमन्तसिंह ओखेडा र प्युठानका दिपेश केएमलाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।

राहदानी छिटोछरितो बनाइदिने भन्दै अतिरिक्त रकम लिई दु:ख हैरानी दिने र विभागका कर्मचारीको काममा अवरोध पुर्‍याएको प्रहरीले जनाएको छ । पक्राउ परेकाहरुलाई अनुसन्धान र कारबाहीका लागि प्रहरी वृत्त कालिमाटी पठाइएको प्रहरीको भनाइ छ ।