स्व. उज्ज्वल थापालाई सम्झिँदै तोसिमाले भनिन्- वैकल्पिक राजनीतिका पिता

काठमाडौं । राष्ट्रिय स्वतन्त्र पार्टी (रास्वपा) र विवेकशील साझा पार्टीबीच एकता घोषणा भएको छ । अहिले घोषणा कार्यक्रम राष्ट्रिय सभागृहमा चलिरहेको छ ।

घोषणा कार्यक्रममा बोल्दै रास्वपा नेतृ तोसिमा कार्कीले विवेकशीलका संस्थापन उज्ववल थापालाई सम्झिइन् । उनले थापालाई ‘बैकल्पिक राजनीतिक शक्तिका पिता’ सम्वोधन गरिन् । पुराना पार्टीबाट अब यो देशको निकास सम्भव नरहेको र नयाँ बैकल्पिक शक्तिहरु मिल्नैपर्ने मा जोड दिइन् ।

‘दाइ तपाईंको सपनाको र सुरु गर्नुभएको सुसंस्कृत राजनीतिले आज देशलाई नयाँ कोल्टे फेर्न संघारमा पुर्याएको छ । अब सम्पूर्ण बैकल्पिक शक्तिहरुलाई नयाँ धु्रविकरणका लागि रास्वपाले सहकार्यको हात अघि बढाइसकेको छ । रास्वपाको खुल्ला आकाशमा यहाँहरुलाई स्वागत छ,’ कार्कीले भनिन् ।