काठमाडौं । चन्द्रदेव जोशी नेतृत्वको नेकपा (संयुक्त) र घनश्याम भुसाल नेतृत्वको नेकपा एस पुनर्गठन अभियानको एकता बैठक आइतबार बस्दैछ ।
पत्रकार सम्मेलनमार्फत एकता घोषणा गरेका दुई घटकबीचको एकताका काम सम्पन्न गर्न बैठक बस्ने भएको नेता दामोदर अर्यालले बताए । पार्टीको नाम नेकपा (संयुक्त) र चुनाव चिह्न हसिया नै रहने सहमति यसअघि नै भइसकेका कारण वैचारिक, राजनीतिक र साङ्घठनिक विषय निरुपण गरिने उनले बताए ।
हालका अध्यक्ष एवं वयोवृद्ध नेता चन्द्रदेव जोशीलाई सम्मानित नेता वा कुनै किसिमको अभिभावकीय भूमिका दिएर घनश्याम भुसाललाई पार्टीको कार्यवाहक अध्यक्ष तोक्ने तयारी रहेको पार्टीका एक नेताले बताए ।
उक्त कमिटीमा २०२८ सालको झापा आन्दोलनका नेतासमेत रहेका घनेन्द्र बस्नेतलाई पनि सम्मानित भूमिका दिइने भएको छ । त्यससँगै महाधिवेशनको मिति पनि तय गरिने भएको छ ।
बैठक सोमबारसम्म चल्ने नेता अर्यालले बताए ।
Leave a Reply