पूर्णबहादुर र महामन्त्रीद्वयसँगको छलफलमा देउवा, सिटौला र निधि पनि सहभागी

काठमाडौं । नेपाली कांग्रेसका सभापति शेरबहादुर देउवाले आज पनि पार्टीका शीर्ष नेताहरूसँग छलफल गरिरहेका छन्।

महाधिवेशनबारे विवाद चर्किएपछि देउवा कार्यवाहक सभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मासँग आज पनि छलफल गरेका हुन्।

हिजो पनि देउवाले कार्यवाहक सभापति खड्का र महामन्त्रीहरुसँग छलफल गरेका थिए। हिजोको छलफलमा कुनै सहमति बन्न नसकेपछि देउवाले आज आफूनिकट नेता कृष्णप्रसाद सिटौला र विमलेन्द्र निधिलाई पनि छलफलमा डोकेका छन्। उनीहरूसहित केही शीर्ष नेताहरू आजको बैठकमा सहभागी रहेको जनाइएको छ।

महामन्त्रीद्वयले नहुने नियमित महाधिवेशनको कार्यतालिका स्वीकार नहुने अडान लिएपछि देउवाले मध्यमार्गी प्रस्ताव ल्याएर सहमति जुटाउन खोजेका हुन्। देउवाले विशेष महाधिवेशनमा जान नहुने भन्दै पुसभित्र महाधिवेशन गर्ने गरी नियमित महाधिवेशनको कार्यतालिका ल्याउन सकारात्मक भएका छन्।

चुनावअघि नै महाधिवेशन गर्नुपर्ने संस्थापन पक्षका नेताहरू खुल्न थाल्दा पनि सिटौला र निधिसहित केही पूर्वपदाधिकारी विपक्षमा उभिएपछि देउवा आफैँले समस्या सल्टाउन खोजेको बताइन्छ।