एसीसी यू-१९ प्रिमियर कप : कप्तान धामीको प्रेरणामा हङकङमाथि नेपालको फराकिलो जित

काठमाडौं । एसीसी यू-१९ प्रिमियर कपअन्तर्गतको खेलमा नेपालले आज हङकङलाई ११९ रनको फराकिलो अन्तरले हराएको छ । नेपालका लागि कप्तान अशोक धामीले प्रेरणादायी अलराउन्ड प्रदर्शन गरे ।

टस जितेर पहिले ब्याटिङ गरेको नेपालले ७ विकेट क्षतिमा २७० रनको मजबुत स्कोर खडा गरेको थियो । नेपालका लागि कप्तान धामीले विष्फोटक ब्याटिङ गर्दै ५१ बलमा ७३ रन जोडे ।

जवाफी ब्याटिङमा हङकङ १४९ रनमा रोकियो । नेपालका अपराजित पौडेलले ४ विकेट र धामीले ३ विकेट लिए । धामी प्लेयर अफ द म्याच चुनिएका छन् । नेपालले पहिलो म्याचमा साउदी अरबलाई हराएको थियो ।