काठमाडौं । नेपाली कांग्रेसमा नियमित महाधिवेशन हुनुपर्ने आवाज उठाइहेका काङ्ग्रेस सम्बद्ध युवा विद्यार्थीले मंसिर १२ गते बृहत् भेला आयोजना गर्ने भएका छन् ।
तीनकुने स्थित रोयल व्याङ्केटमा बिहान ११ बजे बृहत् भेला आयोजना गर्न विद्यार्थी नेता मनिषजंग थापाले बताए ।
कार्यक्रमको तयारी स्वरुप बुधबार जमलस्थित येल्लो प्यागोडामा बैठक बसेको छ । बैठकले मंसिर १२ मा आयोजित सभामा नियमित अधिवेशनको पक्षमा वक्ताले सम्बोधन गर्ने गरी भेला आयोजना गर्ने निर्णय गरिएको हो ।
बैठकमा बाग्लुङ कांग्रेसका सभापति जित शेरचन, तरुण दल अध्यक्ष विद्वान गुरुङ, महिला संघ अध्यक्ष उषा मिश्र , नेपाल किसान महासंघ अध्यक्ष गणेशचन्द्र तिमिल्सिनालगायतको उपस्थित थियो ।
नेपाली काङ्ग्रेस सम्बद्ध महिला केन्द्रीय सदस्य, तरुण दल केन्द्रीय सदस्य, युवा एवं विद्यार्थी संघका केन्द्रीय सदस्यहरु, आस्थावान युवा विद्यार्थी बैठकमा सहभागी थिए । कार्यक्रमको दिन विभिन्न ठाउँबाट र्यालीसहित कार्यकर्ता उपस्थित हुने बैठकमा जानकारी गराइएको छ ।
Leave a Reply