प्रचण्ड र माधव नेपाल कम्युनिस्ट आन्दोलन हाँक्ने जेनजी उत्तराधिकारीको खोजीमा हुनुहुन्छ : जगन्नाथ खतिवडा

काठमाडौं । नेपाली कम्युनिस्ट पार्टीका नेता जगन्नाथ खतिवडाले आफ्नो पार्टी जेनजीको साथी बनेर आएको बताएका छन् । पेरिसडाँडामा आयोजित कार्यक्रममा बोल्दै जेनजीले उठाएको एजेन्डामा आफ्नो पार्टीको समर्थन रहेको बताए ।

उनले भने, ‘प्रचण्ड भविष्यमा यो मुकुललाई हाँक्ने उत्तराधिकारी खोजिराख्नुभएको छ। माधव नेपाल पनि त्यस्तै उत्तराधिकारी खोजिराख्नुभएको छ । हामी पनि नयाँ पुस्ता खोजिरहेका छौँ। कम्युनिस्ट आन्दोलनको उत्तराधिकारीको रूपमा जेनजी पुस्ता तयार भएको छ ।’

उनले समाजवादबाहेक देशमा अर्को कुनै विकल्प नभएको भन्दै जेनजीलाई पार्टीमा भित्र्याउन तयार रहेको बताए। जेनजीको माग सम्बोधन गर्ने पार्टी नेकपा मात्रै भएको जिकिर गरे ।