मंसिर २७ गते नेपालको इतिहासमै सबैभन्दा धेरै जनता सहभागी भएको सभा गर्दैछाैँ : शंकर पोखरेल

काठमाडौं । नेकपा एमालेका महासचिव शंकर पोखरेलले देशमा प्रतिगमन भएको भन्दै एमालेले लोकतन्त्रको दिशामा अघि बढाउने बताएका छन्। भृकुटीमण्डपमा आयोजित जनसभालाई सम्बोधन गर्दै जेनजी विद्रोहपछि भएको परिवर्तन जनताको नभएको दाबी गरे।

उनले भने, ‘भदौ २३ र २४ गते जति मानिसहरू सडकमा आएर विध्वंस मच्चाए, त्यसको चार गुणा धेरै मान्छे एमालेको एकल आह्वानमा सडकमा आइरहेका छन्। यो परिवर्तन जनताको परिवर्तन होइन। यो आतङ्क र हिंसाबाट गरिएको परिवर्तन हो।’

उनले संविधानलाई क्रियाशील बनाउन प्रतिनिधिसभा पुनर्स्थापनाको विकल्प नभएको बताए। विध्वंसको जगमा खडा भएको सरकारले चुनाव गराउन नसक्ने बताए। उनले मंसिर २७ गते महाधिवेशन उद्घाटनमा भव्य बनाउने तयारी भइरहेको बताए।

उनले भने, ‘महाधिवेशन उद्घाटन समारोह नेपालको इतिहासमै सबैभन्दा धेरै जनताको जमघट भएको समारोहका रूपमा देखाउन चाहन्छौँ।’