काठमाडौं । नेरिक एकेडेमीले आज विद्यार्थीहरुको आँखा जाँचकार्य सफलतापूर्वक सम्पन्न गरेको छ ।
शैक्षिक विकाससँगै विद्यार्थीहरुको स्वास्थ्यलाई पनि उत्तिकै महत्वपूर्ण ठान्दै विद्यालयले कार्यक्रमको आयोजना गरेको हो ।
भेनस अस्पतालसँगको सहकार्यमा सम्पन्न गरिएको कार्यक्रममा अस्पतालका अनुभवी नेत्र चिकित्सक र नर्सहरुले विद्यार्थीहरुको दृष्टि स्वास्थ्यको विस्तृत परीक्षण गरे ।
जाँचका क्रममा विद्यार्थीहरुको आँखामा देखिन सक्ने सामान्य समस्या, दृष्टि कमजोरी, वा चस्माको आवश्यकता जस्ता पक्षहरू ध्यानपूर्वक मूल्यांकन गरिएको विद्यालयले जनाएको छ।
विद्यालय प्रशासनका अनुसार यस्तो स्वास्थ्य परीक्षणले विद्यार्थीहरुको शैक्षिक यात्रामा सहयोग पुग्ने र स्वास्थ्यप्रति सचेतना अभिवृद्धि हुने अपेक्षा गरिएको छ।
Leave a Reply